أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الاختبارات الـ 12علشان تعرف دا حب ولا إعجاب

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

remon_elking

avatar
عضو برونزى
عضو برونزى
اختبارات عملية يقدر كل واحد يعملها لوحده "بس جاوب بأمانه" وبعدها هتكتشف إذا كان الحب اللي في حياتك دا حب بجد ولا حاجه تانية. أهمية

من النهاردة وعلى مدار الـ 5 أسابيع اللي جاية هنقدم اختبارات عملية يقدر كل واحد يعملها لوحده "بس جاوب بأمانه" وبعدها هتكتشف إذا كان الحب اللي في حياتك دا حب بجد ولا حاجه تانية. أهمية الاختبارات دي إنها هتساعدك تتعلم وتكبر في فهمك لأعظم دور ليك في الحياة وهو حب طرف تاني أو بالمعنى الأفضل شخص تاني غير نفسك.




في كل مره بتجاوب على سؤال لو لقيت إجابتك إنها حب احسب لنفسك نقطة برمز الـ (ح) ولو كانت إجابتك إنه إعجاب احسب نقطة برمز الـ (إ). طيب ممكن ألاقي للسؤال إجابتين عندي (ح) و (إ) ؟ أيوه ممكن لكن اللي هتحسبه هو اللي بيميل لإجابه منهم ولو بـ 1% زيادة يعني لو 51% حب يبقى حب.*


هما 12 اختبار هنقدم كل اسبوع 2 منهم ويلا نشوف أول اختبارين بيقولوا أيه....








1 – اختبار الوقت :

الحب بيستفيد ويكبر من خلال الوقت، أما الإعجاب فبيقل وينقص مع الوقت. ممكن الإعجاب ييجي فجأة وألاقي نفسي بفكر "بوم! أنا بحب" لكن دا مش حب لأن دا وقوع مفاجئ ودا يحصل في الإعجاب لكن الحب مش بينفع نقع فيه.. الشهوة يتوقع فيها، الإعجاب يتوقع فيه لكن الحب لأ لأن الحب لازم نكبر فيه مع الوقت وبصدق.




الحب بيتطور مع العلاقة والاهتمام، بيتطور مع صفات الشخصية الأساسية ومش من الإنبهار الفوري بالشخص التاني. ممكن الإعجاب يظهر في أي لحظة لكن الحب الحقيقي بياخد فترة وعلشان كدا بلاش تصرح/حي بحبك إلا بعد مرور فترة معقولة من الوقت.




هل بتحتفظ بكلمة الحب لشيء أفضل من مجرد المشاعر؟ تفتكر محتاج وقت قد أيه قبل ما يتعرف الحب بوضوح؟ لو لقيت نفسك واقع في الحب في أغلب الأوقات وفي فترات سريعة وبعدين تلاقي نفسك محبط يبقى ممكن الاختبار دا ينقذك من وجع القلب في المستقبل ويساعدك تعرف الحب الحقيقي.










2 – اختبار المعرفة :




الحب بيكبر من تقييم كل الصفات المعروفة للشخص التاني. ممكن الإعجاب ييجي من الإنبهار بصفة واحدة بس من الصفات المعروفة في الطرف التاني. وحاجه واحدة بس تظهر بعد كدا من الشخصية نفسها سواء تصرف أو أي رد فعل تلاقي إن كل الفكرة اللي كنت واخدها عنها/نه مشوهة جداً وتكتشف إنك مش عارف شخصية اللي معجب بيه أو فاكر نفسك بتحبه. بصراحة ممكن في لمحة أو لقاء صدفة إنه يحصل نوع من التحفز اللي يفجر الكيماويات جوانا لكن دا مش حب!!.


لو جربت تسأل اتنين مرتبطين أو حتى في فرحهم إنه كل واحد يديلك تعريف مفصل عن شريك حياته للأسف الإجابة هتكون كلام عايم مش محدد زي (دايماً بتحتويني)، (دمه خفيف).... وحاجات كتير من الكلام دا لأنهم اتشدوا لبعض وبس ولو سألتهم سؤال تاني انتو ليه ارتبطوا أو اتجوزتوا هتلاقي نفس الإجابات العايمة وللأسف برده نسبة قليلة جداً اللي هترد وتقول (لأننا بنحب بعض).






الإعجاب بيعيش في عالم مزيف بيكون فيه الشخص اللي بنحبه مزيف، مفيهوش عيوب، مش وراه غيرك.






الإعجاب بيكتفي بالقليل جداً أما الحب فدايماً مشتاق إنه يعرف اللي قدامه أكتر.








الحب دايماً عايز يدرس احتياجات، أحلام، رغبات، آمال الطرف التاني لأنه عايز يعمل كل اللي يقدر عليه عشان يحولها لواقع.






الحب مش بيهتم باللي ممكن يلاقيه لكن بيهتم باللي ممكن يقدمه.




الحب يشبه الدراسة في الجامعة أو المدرسة بيمسك الطرف التاني ويدرسه من أكتر من اتجاه وكل ما عرف عنه أكتر كل ما حب يتطور فيه أكتر.




طيب شايف نفسك تعرف الطرف التاني قد أيه؟ تقدر توصف الهدف الأساسي لحياته؟ تقدر تعدد 3 أهداف الطرف التاني عايز يحققهم في السنين اللي جايه؟ هل في أمنية معينه تتمنى إنه يوصل لها في وقت من الأوقات؟ طيب فكرت إزاي ممكن تساعده/ها على تحقيق الحلم دا؟



الإعجاب بيقرر أنه يعرف كل اللي محتاج يعرفة بسرعة أما الحب الحقيقي فبيخلق جو من الإهتمام فتلاقي الطرف التاني بيتفتح قدامك وبسهولة.



انتظرونى فى الاختبار 3 و 4


_________________
عارف انى عايش فى عنادى
وفى عنيك زودت فسادى
لكن جايلك طالب وجهك
بعد ما ضاقت بى يا فادى
ياللى بتسمع انا بندهلك
يا حميتى بصرخ محتاجلك
تبقى معايا واللقى حماية
تحفظ قلبى اللى بيشتاقلك
معاينة صفحة البيانات الشخصي للعضو http://forum.ava-kyrillos.com/index.php

remon_elking

avatar
عضو برونزى
عضو برونزى
3 – اختبار الاهتمام :




الحب الحقيقي بيكون تركيزه على الطرف التاني، الإعجاب بيركز حولين نفسه. هقولكم معلومة غريبة أنا لما سمعتها كانت جديدة أوي، تعرف أيه اللي بيشد اهتمام الأشخاص المعجبين؟ نفسهم!!!!!! أيوه أكتر حاجة بتعجبهم في الإعجاب هي إعجابهم بنفسهم. مرة راقبت حد من أصحابي وهو بيعجب بواحدة لأول مرة في حياته في الأول فرحت ليه أوي علشان هو شخص خجول أوي ومكنش عنده علاقات كتيره وكنت مذهول لما سمعته بيقول "دي تحفه، أنا عمري ما جربت الحب اللي بالشكل دا قبل كدا"




ولما سمعته بيقول الجملة دي للمرة العاشرة سألته "اسمها أيه؟ أنا أعرفها؟" ابتسم ورد وهو مكسوف "في الحقيقة أنا ماقبلتهاش لسه، وبحاول أتشجع عشان أعرف إسمها". فسألته "أمّال إزاي عرفت إنك بتحبها؟؟ فرد إنها لما بتعدي قدامي في الجامعة مش بصدق المشاعر والأحاسيس اللي بتحصلي لمجرد إني شفتها".... المهم مرت أيام وقدر يتعرف عليها وبعدها بدأ الوضع يتغير بدأ يقف قدام المراية كتيييير وهو بيستعد للنزول ويسألني تفتكر القميص دا ولا التاني، تفتكر الجزمة دي أحلى ولا التانية أصلي يمكن أشوفها النهاردة" في كل مره كنا بنتكلم عن الشكل اللي ممكن ينزل بيه والإنطباع اللي ممكن تاخده لما تشوفه لابس اللبس دا.




هنا أقدر أقول إنه تركيزه كله على نفسه يلبس أيه، يظهر إزاي، أيه الأحسن ليه مش ليها وكدا دا مش حب لكنه تفاعل كيماوي من جوا الجسم مع الطرف التاني واللي هو الإعجاب.




- بتلاقي درجة اهتمامك وتركيزك في العلاقة بتاعتك على اللي ممكن تاخده قد أيه؟




- بتلاقي درجة اهتمامك على تسديد احتياجات الطرف التاني قد أيه؟




- هل بتفكر ازاي هتبقى العلاقة وأيه اللي هتحسو فيها، ولا أيه اللي ممكن تقدمة عشان الشخص دا يحسك ويستمتع بيك بشكل رائع؟












4 – اختبار التفرد :




الحب الحقيقي بيركز على شخص واحد بس، أما الإعجاب فممكن يكون "في حالة حب" مع شخصين أو أكتر في نفس الوقت. القصة دي حلوة وهتوضح المعنى (أول سنة ليا في الجامعة كنت أعرف بنت من كلية تانية، كان معظم اللي بينا إعجاب، مكنتش أعرفها كويس، العلاقة بينا كانت صغيرة حتى إننا مكناش بناخد مواعيد بجد عشان نتقابل فيها لكن بدأت أعتقد إنها الشخص المناسب عشان المشاعر الجميلة والغريبة اللي كانت بتحصلي لما بشوفها. وفجأة انضميت لفريق رياضي بيسافر بلاد كتيره أوي.. في أول محطة لينا في أول بلد لعبنا مع فريق وبعد الماتش قابلت بنت لطيفة جداً واتعرفنا وبدأنا نخرج مع بعض "أنا لسه فاكر لون فستانها لغاية دلوقتي وفاكر المشاعر الجميلة اللي كانت جوايا ناحيتها" لقيت نفسي مشدود ليها واستغربت مني لأنها نفس المشاعر اللي جوايا ناحية صحبتي اللي في بلدي!! وبعدين سافرنا بلد تاني وأعجبت ببنت الشخص اللي استضافنا في بيته والحقيقة إنها نفس المشاعر هيا هيا لكن المره دي مش قادر أفتكر حبيبتي اللي في بلدي. وسافرنا خمس بلدان في الرحلة دي وفي كل بلد كان ليا حبيبة مختلفة + حبيبتي اللي في بلدي. عارفين اتعلمت أيه؟




اتعلمت إن اللي حسيته مالوش أي علاقة بالحب الموضوع كله كان عبارة عن تفاعلات كيماوية ولو طولنا في السفريات أكتر كنت هلاقي بنات أعجب بيهم أكتر لأن دا مش حب دا إعجاب ووقتها كان زرار الإعجاب عندي مضغوط عليه على طول عشان يفضل شغال).




القصة دي واقعية وكلنا ممكن نقع فيها أو خلينا صادقين بنقع فيها فعلاً لكن المشكلة إنها مش مجرد أحاسيس وبتروح لحالها من غير ما تأثر فينا. ليه؟ لما الزمن يمشي بينا ونكبر ونتجوز وبعدين نخلف وفجأة نلاقي المصاريف كتير والبيت مكهرب اليومين دول والأولاد بتكبر ومشاكلهم بتكتر، رئيسك في الشغل غلس وفي واحد زميل بيحاول ياخد مكانك، مرتبك مش بيكفي وعايز تغير العربية، يا سلام بقى لو متخانق مع شريك حياتك ........ وغيرها في حياتنا كتير مشاكل بتمر. في الوقت دا هتلاقي نفسك عرضه للحالة دي حتى لو كنت متجوز وهنا المشكلة مش في اللي حواليك لأ فيك لأنك في الوقت دا ضعيف.




لما المشاعر بتكون مضطربه من ناحية ولو بشكل مؤقت صعب تاخد بالك من المشاعر اللي هتيجي من الناحية التانية فهتلاقي السيناريو بتاع الإعجاب بيبدأ في أي لحظة.




طيب الحل أيه ماكلنا معرضين للحظات ضعف؟ الحل إنك تفهم كويس الفرق بين الحب والإعجاب، تعرف كويس أوي إنك وقت ما بتكون مضغوط أو محبط بتكون ضعيف فتاخد بالك كويس من أي إعجاب ممكن يحصل وتبقى فاهم هوا أيه وتوقفه علشان لو استمر ممكن يسبب دمار لعيلتك.




الإعجاب بيفضل من 9 لـ 18 شهر وبعد كدا بتختفي كل المشاعر الرائعة والأحاسيس الجميلة وبتلاقي نفسك لوحدك تاني أو لو عندك حبيب/به بتلاقي نفسك معاه بس لأنه هو اللي بيفهمك وعنده نفس احتياجاتك


_________________
عارف انى عايش فى عنادى
وفى عنيك زودت فسادى
لكن جايلك طالب وجهك
بعد ما ضاقت بى يا فادى
ياللى بتسمع انا بندهلك
يا حميتى بصرخ محتاجلك
تبقى معايا واللقى حماية
تحفظ قلبى اللى بيشتاقلك
معاينة صفحة البيانات الشخصي للعضو http://forum.ava-kyrillos.com/index.php

remon_elking

avatar
عضو برونزى
عضو برونزى
5 – اختبار الإحساس بالأمان :




الحب الحقيقي بيسبب إحساس بالأمان ومشاعر الثقة. الشخص اللي معجب على طول عنده إحساس أعمى بالأمان مسنود على أحلامه. الإعجاب يعتبر أعمى مش بيشوف المشاكل، ساعات الأمان الأعمى دا بيبان على شكل غيرة لأن الإحساس الحقيقي بالأمان لازم ينبع ويكبر من معرفتك القوية بشخصية الطرف التاني، مبادئه، سلوكه يعني تعرفه بجد وبالتالي تثق فيه أوي، مش هتحس بالغيرة لأنك عارف إن قلبه ملكك "غالباً الغيرة علامة على نقص الثقة".




- أيه الدور اللي بتلعبه الغيرة في علاقتك؟




- إزاي تقدر توصف مستوى الأمان في علاقتك؟




- المشاكل اللي بتحصل بتأثر قد أيه على مستوى إحساسك بالأمان في علاقتك؟




الحب الحقيقي بياخد في اعتباره كل العلاقة مش مجرد المشاعر المؤقتة أو المشاكل اللي بتحصل فجأة.












6 – اختبار العمل :




الشخص اللي بيحب بيعمل حاجة عشان الطرف التاني، عشان تنفعه وتسعده. الشخص اللي في حالة إعجاب بيعمل عكس كدا، بيفقد طموحه، شهيته، اهتمامه بالحياة. الست اللي بتحب ممكن تدرس عشان تخلي جوزها فخور بيها، الراجل اللي بيحب ممكن يخطط ويفكر إزاي يكبر عشان خاطر مراته... الطرفين في الحب الحقيقي ممكن يغرقوا في أحلام اليقظة مع بعض ويحولوها لحقيقة.




أما الأشخاص اللي في حالة إعجاب مش بيفكروا إلا في تعاستهم الخاصة. وكتير بيستغرقوا في تعاستهم لأن أحلام اليقظة عندهم مش واقعية دايماً بتتكلم عن أهداف ومثاليات مش واقعية ومش هيقدروا لا هما ولا الطرف التاني في العلاقة بتاعتهم من تحقيقها وساعات بيعيشوا في الأحلام دي بدل الواقع فيبقى كل واحد منهم عايش في العالم بتاعه والطرف التاني مالوش دعوه بيه لأنه هو كمان عايش في العالم الوهمي الخاص بيه.




قابلت قبل كدا شخص كان معجب جداً جداً، كان بيروح كل مشاويره في المعاد المظبوط، كان معروف بإخلاصه، كان عنده برنامج منظم وفجأة اتغير كل شيء، بدأ يعيش في فوضى... دا أكيد مش حب هو دا الإعجاب.




لما بتحب شخص بيكون عندك تقييم دقيق للعلاقة وبتحاول دايماً تكبرها. لو كان الطرف التاني دايماً متضايق فدا إعجاب، لو كنت عارف إنك لازم تحوش شوية فلوس وبتحاول تعمل كدا والطرف التاني ولا على بالة ومش همه دا مش حب لأن هدفكم مش واحد دا إعجاب. الإعجاب بييجي على حساب العلاقة لكن الحب بيبنيها.








- لما الحكاية تكون متعلقة ببذل مجهود منك عشان تنجح علاقتك بشريكك أيه الدرجة اللي هتديها لنفسك ("ح" ولا "إ")؟؟


_________________
عارف انى عايش فى عنادى
وفى عنيك زودت فسادى
لكن جايلك طالب وجهك
بعد ما ضاقت بى يا فادى
ياللى بتسمع انا بندهلك
يا حميتى بصرخ محتاجلك
تبقى معايا واللقى حماية
تحفظ قلبى اللى بيشتاقلك
معاينة صفحة البيانات الشخصي للعضو http://forum.ava-kyrillos.com/index.php

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى